مہلت نہیں ملتی۔۔۔رمضان سپیشل
اس دفعہ پورے روزے اور پوری نمازیں۔۔۔مدیحہ نے اپنے آپ سے سرگوشی کی۔مدیحہ حیات نے زندگی کے سارے مزے لوٹے۔۔بچے پیدا کیئے،جوان ہوئے،شادیاں کیں۔۔۔نوکری کی۔۔۔بس ایک کمی تھی جس کی خلش گاہے بگاہے سر اٹھایا کرتی تھی ۔اب ریٹائر ہوگئی تو سوچا کیوں نا اس کمی اور خلش کو بھی دور کر لیا جائے۔۔۔اسی خوشی میں رمضان کی تیاریوں میں مصروف تھی۔۔۔رمضان میں کچھ ہی دن باقی تھے۔۔۔۔سوچا عید کی شاپنگ بھی کر لی جائے پھر تو رمضان میں جایا نہیں جائے گا۔۔۔۔اسی سلسلے میں آج اچھرہ آ گئی۔۔۔۔واپسی پہ ویگن حادثے میں مدیحہ حیات کا سفرحیات تمام ہوا۔